Мөнхийн алтан гадас ХХК 2012 онд байгуулагдсан бөгөөд 2016 оноос Улаангом суманд үйл ажиллагаа явуулж эхэлсэн. Увс аймгийн хэмжээнд газар тариалангийн ургамал хамгаалах бодис импортлох, борлуулах тусгай зөвшөөрөлтэй компани бөгөөд бордоо болон, ургамал хамгаалах бодис борлуулж байна. Бүх төрлийн хүнсний ногоо, төмсний сортын үр худалдаалдаг. Хаварт хүнсний ногооны 2000-5000 ш үрсэлгээ өөрсдөө бойжуулж худалдаалдаг.
Сүүлийн 4 жилд иргэд , аж ахуйн нэгжийн хүсэлтээр 300 орчим ширхэг алим, 100 ш чавга, 600 ш үхрийн нүд, 20 ш интоорын суулгацыг ОХУ-ын хүрээлэнгээс гэрээ хийж оруулж ирж борлуулсан бөгөөд манай аймгийн иргэд энэ хэмжээний эдгээр жимсийг тариалж эхний хүмүүс ургацаа аваад эхэлсэн. Суулгац, үрсэлгээгээ нийлүүлэхдээ тариалах, арчлах зөвлөгөөг хамт өгдөг. Оросын суулгац гарал үүсэл тодорхой, сортын сонголттой боловч үнэ өндөр учраас хүмүүс цөөхөн тоогоор авдаг.
Чацарганы сортуудыг сорьж, аль сорт нь Увс аймгийн нөхцөлд илүү ургац өгч байгааг судалж, судалгаа хийж, сайн сортыг тариаланчдад зөвлөдөг.
Увс аймагт анхны чацарганы сортын жишиг эх цэцэрлэг байгуулах улмаар эх цэцэрлэгээс суулгац хийж, тариаланчдыг сортын, хямд суулгацаар хангах ,жишиг дадлагын талбай байгуулж, иргэдэд үзүүлэх сургалт хийх мөн зарим төрлийн жимс жимсгэнийг тарьж турших ажлуудыг хийнэ.
Тарьж, сорьж байгаа чацарганы 10 сорт:
- Алей,
- Августина,
- Росинка,
- Пантелеева,
- Эссель,
- Клавдия,
- Чуйская,
- Алтайская,
- Теньга,
- Живко
0,5 га-д тариалалт хийдэг.
Холбоо барих
Цахим шуудан: gu_nyamjav@ yahoo.com
Утас: 90114469
